وأدى زمانى بيرجع تانى
يكتب بأيديه كل الجراح
يكتب ليا
مسرحيه
او قصيده
او أغنيه
يكتب فيها كل اللى راح
ضاع الامان بين القلوب
ضاع الامل وسط الدروب
ضاع الشباب فى المسابقات
ضحكوا علينا وقالوا مكتوب
قالوا تعيين
يابنى أدمين
ياله بسرعه
قولوا امين
قولت أمين وأستعديت
وهربت بسرعه من البيت
وجريت ورحت الوزارة
وياريتنى ماكنت ضحيت
بصيت
لقيت
انسان غريب
قالى !!!!!
أتخضيت
ورجعت تانى
ونسيت عنوانى
وكتبت شكوتى
ونسيت بلوتى
وبعدها عينونى
فى المستشفى رمونى
وياريت كمان سبونى
دبالجنون اتهمونى
ومن داخل غرفة المجانين
كتبت رساله للمسؤلين
وزودوا الجرعه عليا
وخايف يخرموا عنيا
بس خلاص انا غلطان
اسف ياوزارة انا تعبان
ومش طالب تعيين تانى
وان طلبت قطعولى ودانى
وسبونى اروح البيت
واسف لوكنت اشتكيت
محمد الداؤدى
موضوع: حال الكل زى الفل !!!!!!!!!!!!!!!